Amerikalılar Trampın fəaliyyətini necə qiymətləndirir?
NBC televiziya kanalının keçirdiyi sorğuya görə, respondentlərin yarısı Amerika liderinin fəaliyyətini çox mənfi qiymətləndirir.
TodayPress TV xəbər verir ki, "NBC" televiziya kanalı tərəfindən aparılan sorğuya görə , ölkədə yetkinlərin yalnız 37%-i ABŞ prezidenti Donald Trampın fəaliyyətini bəyənir.
Eyni zamanda, respondentlərin 63%-i əks fikirdədir və sorğuda iştirak edənlərin yarısı Amerika liderinin işinə çox mənfi münasibət bəsləyir.
Bundan əlavə, amerikalıların üçdə ikisi hazırkı ABŞ administrasiyasının inflyasiya ilə mübarizə yanaşmasından, eləcə də İranla münaqişədən narazıdır.
Trampın reytinqi Respublikaçılar arasında da azalır. İlin əvvəlindən bəri Amerika liderinin partiya yoldaşları arasında reytinqi 87%-dən 83%-ə düşüb, Amerika administrasiyasının rəhbərini güclü şəkildə bəyənənlərin payı isə 58%-dən 52%-ə düşüb.
Sorğu 30 mart - 13 aprel tarixləri arasında 32.433 respondentin iştirakı ilə aparılıb. Səhv həddi 1,8 faizdir.
Jalə Rövşən
