ABŞ Yaxın Şərqdəki hərbi mövcudluğunu artırmağa davam edir
Pakistanda İranla danışıqlara hazırlıq görüldüyü bir vaxtda ABŞ potensial əməliyyatlar üçün Yaxın Şərqə qoşun yerləşdirməyə davam edir.
TodayPress TV xəbər verir ki, bu barədə “The Wall Street Journal” qəzeti Amerika rəsmilərinə istinadən məlumat yayıb.
Nəşrin məlumatına görə, bu yaxınlarda bölgəyə yeni qırıcı və hücum təyyarələri gəlib və ABŞ ordusunun elit 82-ci Hava-Desant Diviziyasından 1500 ilə 2000 arasında əsgər yaxın günlərdə çatdırıla bilər.
Eyni zamanda “USS George H.W. Bush” təyyarədaşıyan gəmisi və onu müşayiət edən gəmilər martın sonlarında Virciniyadakı Norfolk Hərbi Dəniz Stansiyasından yola düşüb və hazırda Atlantik okeanındadır. 11-ci Dəniz Ekspedisiya Bölməsini daşıyan “USS Boxer” isə martın ortalarında Kaliforniyadan yola düşüb və hazırda Sakit okeandadır.
Aysel Mətləb
