ABŞ və Kuba gəmiləri arasında atışma: Yaralananlar var
Amerika bayrağı altında üzən qayıq Kuba sularına daxil olaraq sərhədçilərə atəş açıb.
TodayPress TV xəbər verir ki, bu barədə “Reuters” agentliyi Kuba Daxili İşlər Nazirliyinə istinadən məlumat yayıb.
Bildirilib ki, sərhədi pozan gəmidən sərhədçilərə atəş açılıb və Kuba gəmisinin komandiri yaralanıb.
Məlumata görə, qarşıdurma nəticəsində dörd nəfər zərərsizləşdirilib, altı nəfər isə yaralanıb.
Kubanın ABŞ-dəki səfirliyi də “X” sosial şəbəkəsində açıqlama yayaraq qeyd edib ki, ABŞ-də qeydiyyatdan keçmiş gəminin sərnişinlərindən dördü sahil mühafizəsi tərəfindən vurulub. Səfirliyin bildirdiyinə əsasən, kater adanın sahilinə bir dəniz mili məsafəyədək irəliləyib, daha sonra yoxlama aparmaq üçün Kuba sərhəd xidməti gəmiyə yaxınlaşıb.
Açıqlamaya görə, gəminin göyərtəsində beş hərbçi olub. Ekipajın atəş açmasından sonra sərhədçilər cavab atəşi açıb.
Aysel Mətləb
