ABŞ və Çin Londonda ticarət danışıqlarına başladı

ABŞ və Çin rəsmiləri Londonda görüşərək iki ölkə arasında mövcud ticarət mübahisəsinin həllinə dair danışıqlara başlayıblar. 

TodayPress TV xəbər verir ki, bu barədə "YLE" məlumat yayıb. 

ABŞ nümayəndə heyətinə Maliyyə naziri Skott Bessent, Çin tərəfinə isə Baş nazirin müavini He Lifeng rəhbərlik edir.

Tərəflər, ötən ay İsveçrənin Cenevrə şəhərində əldə olunmuş ticarət razılaşmasının pozulmasına görə bir-birlərini ittiham edirlər. May ayının ortalarında iki ölkə qarşılıqlı olaraq tətbiq etdikləri idxal rüsumlarını – heç olmasa müvəqqəti olaraq – azaltmaq barədə razılığa gəlmişdilər.

London görüşünün bu razılaşmanın taleyinə aydınlıq gətirməsi və gərginliyi azaltması gözlənilir.

Töhfə Səməd