ABŞ və Çin gömrük razılaşmasını uzada bilər
ABŞ Prezidenti Donald Tramp və administrasiyası Çinlə ticarət razılaşmasını daha 90 gün uzatmağa hazırlaşır.
TodayPress TV xəbər verir ki, bu barədə ABŞ-nin ticarət naziri Hovard Lutnik açıqlama verib.
O bildirib ki, yekun qərar Trampın səlahiyyətindədir. Çin və ABŞ arasında son danışıqlar iyulun sonunda Stokholmda keçirilib. Çin razılaşmanın uzadıldığını desə də, ABŞ hələ təsdiq verməyib.
Mövcud razılaşmaya əsasən, hər iki ölkə mayın 12-dən etibarən gömrük rüsumlarını 90 gün müddətinə azaltmışdı. Bu müddət avqustun 12-də başa çatır.
Türkan İsgəndərli
