ABŞ İrana təzyiqi dayandırır

Ağ Ev İrana qarşı yeni sanksiyaların tətbiqi səylərini dayandırmaq barədə göstəriş verib. 

TodayPress TV xəbər verir ki, bu barədə "The Wall Street Journal" məlumat yayıb.

Məlumata görə, Ağ Evin mətbuat katibi Kerolin Levit bütün yeni sanksiyaların dayandırılması barədə göstəriş verib.

Nəşrin bu məsələ ilə bağlı sorğusuna cavab olaraq Levitin müavini Anna Kelli bildirib ki, sanksiyalarla bağlı istənilən yeni qərarı Ağ Ev və ya administrasiyanın müvafiq strukturları elan edəcək.

Xatırladaq ki, tərəflər arasında sonuncu görüş mayın 23-də Romada baş tutub. Danışıqlarda İranı xarici işlər naziri Abbas Əraqçi, ABŞ-ni isə Amerika prezidenti Donald Trampın xüsusi nümayəndəsi Stiv Uitkoff təmsil edib.

Türkan İsgəndərli