ABŞ-dən deportasiya edilən 172 venesuelalı Karakasa çatdı
ABŞ Prezidenti Donald Trampın Venesuela hava məkanının “bağlandığını” deməsinə baxmayaraq, Karakas deportasiya uçuşlarına yenidən icazə verib.
TodayPress TV xəbər verir ki, bu barədə "AFP" məlumat yayıb.
Məlumata görə, ABŞ-dən gələn və 172 sənədsiz venesuelalı miqrantı daşıyan təyyarə Karakasa enib. Bu, Arizona ştatının Feniks şəhərindən yola düşən və bu həftə həyata keçirilən ikinci deportasiya uçuşudur.
Venesuela rəsmiləri bildiriblər ki, təyyarədə beş uşaq, 26 qadın və 141 kişi olub. Rəsmi məlumata görə, bu cür qondarma “repatriasiya” uçuşları ilə ölkəyə qayıdan venesuelalıların ümumi sayı 18 260 nəfərə çatıb, onların 14 000-dən çoxu ABŞ-dən göndərilib.
Tramp administrasiyası Venesuela Prezidenti Nikolas Maduro ilə əlaqəli olduğu iddia edilən narkotiklə mübarizə əməliyyatlarını hədəf aldığını deyir və regiona, o cümlədən dünyanın ən böyük təyyarədaşıyan gəmisini də daxil etməklə, hərbi qüvvələr yerləşdirib.
Türkan İsgəndərli
