ABŞ-də büdcə böhranı: Hökumət 14 günlüyə bağlandı
ABŞ federal hökuməti 14 gündür fəaliyyətsizdir. Səbəb isə Senatda Respublikaçıların təqdim etdiyi büdcə qanun layihəsinin qəbul edilməməsidir.
TodayPress TV xəbər verir ki, bu barədə "The Washington Post" məlumat yayıb.
Senatda keçirilən səsvermə zamanı hökuməti maliyyələşdirməyə yönəlik təklif 60 səs tələb etdiyi halda yalnız 49 səs alıb.
Respublikaçıların lideri Con Tun bildirib ki, hökumətin yenidən açılması üçün beş demokrat senatordan daha səs tələb olunur.
ABŞ maliyyə naziri Skot Bessent isə vurğulayıb ki, hökumətin bağlanması artıq ölkə iqtisadiyyatına və vətəndaşların gündəlik həyatına mənfi təsirlər göstərməyə başlayıb.
Türkan İsgəndərli
