ABŞ-də atışma: Ölənlər var
ABŞ-nin Nyu-Cersi ştatının Nyuark şəhərində kütləvi atışma baş verib.
TodayPress TV xəbər verir ki, hadisə nəticəsində 10 yaşlı uşaq və 21 yaşlı qadın həyatını itirib.
Sakinlərin sözlərinə görə, axşam saatlarında ardıcıl atəş səsləri və qışqırıqlar eşidilib. Polis Kansler prospektinin 300-cü məhəlləsindəki ərazini bağlayıb və hadisə yerində ən azı 17 mərmi gilizi tapılıb. Gecə boyunca yaxınlıqdakı binalarda axtarış aparılıb.
Yaralananlar arasında 11 yaşlı oğlan, 19 və 60 yaşlarında iki kişi də var. Onların vəziyyəti stabil olaraq qiymətləndirilir.
Prokurorluq şübhəli şəxsin tutulmasına kömək edəcək məlumat üçün 10 min dollar mükafat təklif edib.
Türkan İsgəndərli
