UEFA Konfrans Liqası: "Şaxtyor Donetsk" evdə, "Strasburq" isə səfərdə uduzdu
UEFA Konfrans Liqasının yarımfinal mərhələsinin ilk oyunları keçirilib.
TodayPress TV xəbər verir ki, günün qarşılaşmalarında "Rayo Valyekano" "Strasburq"la, "Şaxtyor Donetsk" isə "Kristal Pelas" komandası üz-üzə gəlib.
Ev oyununu Polşanın Krakov şəhərində keçirən "Şaxtyor Donetsk" ümidləri doğrultmayıb. Qapısından üç top buraxan Ukrayna təmsilçisi rəqibini yalnız bir dəfə məyus edə bilib - 1:3.
"Rayo Valyekano" - "Strasburq" matçında isə bir qol vurulub. Aleşandre Juravski qarşılaşmanın 54-cü dəqiqəsində fərqlənərək ev sahiblərinin rəqibi üzərində qələbəsini təmin edib - 1:0.
