Vinisius ayrılığa işarə etdi
“Real Madrid” klubunun hücumçusu Vinisius Junior La Liqanın X turunda “Barselona”ya qarşı oyunda əvəzləndikdən sonra komandadan ayrılmaq istədiyini deyib.
TodayPress TV xəbər verir ki, bu barədə Marca nəşri DAZN mənbələrinə istinadla məlumat yayıb.
Bildirilir ki, matçın 72-ci dəqiqəsində əvəzlənəcəyini öyrənən Vinisius əsəbiləşib və paltardəyişmə otağına gedərkən dəfələrlə “Mən komandadan gedəcəyəm… Mən gedirəm, belə daha yaxşıdır” sözlərini təkrarlayıb.
Qeyd edək ki, Vinisius Junior 2018-ci ilin yayından “Real”da çıxış edir. Braziliyalı forvard “kral klubu” ilə 3 dəfə İspaniya çempionu, 2 dəfə isə UEFA Çempionlar Liqasının qalibi olub. Onun “kral klubu” ilə müqaviləsi 2027-ci ilin iyun ayının sonuna qədər qüvvədədir.
Namiq HUN
