Transfer bombası? “Real” Yıldızı gözü altına aldı!
“Real Madrid” klubu yay transfer pəncərəsi öncəsi yeni cinah oyunçusu axtarışlarını davam etdirir.
TodayPress TV xəbər verir ki, “kral klubu”nun diqqət mərkəzinə Kenan Yıldız düşüb.
Hazırda “Yuventus” formasını geyinən gənc futbolçu çıxışı ilə bir sıra aparıcı Avropa klublarının marağına səbəb olub.
Məlumata görə, Madrid təmsilçisi Yıldızı potensial transfer hədəflərindən biri kimi qiymətləndirir. Lakin tərəflər arasında rəsmi danışıqların aparılıb-aparılmadığı barədə dəqiq məlumat yoxdur.
Qeyd edək ki, “Real Madrid” yayda heyətini gücləndirmək üçün bir neçə mövqedə transferlər planlaşdırır və cinah hücumçusu prioritet istiqamətlərdən biri hesab olunur.
Namiq HUN
