Samba nəfəsi Bakıda: Breno Almeyda artıq Neftçidə!
“Neftçi” klubu hücum xəttini yeni transferlə gücləndirib.
TodayPress TV klubun mətbuat xidmətinə istinadən xəbər verir ki, paytaxt təmsilçisi braziliyalı hücumameyilli yarımmüdafiəçi Breno Almeyda ilə 2,5 illik müqavilə imzalayıb.
27 yaşlı futbolçu son olaraq Kiprin “Etnikos” klubunda çıxış edib. O, karyerası ərzində Braziliya, Səudiyyə Ərəbistanı və Malta çempionatlarında da forma geyinib.
Cari mövsümdə “Etnikos”un heyətində 14 rəsmi oyuna çıxan Almeyda 3 qol vurub və 5 məhsuldar ötürmə ilə yadda qalıb. Braziliyalının transferi “Neftçi”nin hücum potensialını artırmaq və komandanın yarımmüdafiə xəttində kreativliyi gücləndirmək məqsədi daşıyır.
Namiq HUN
