“Qarabağ”ın “Ferentsvaroş”la cavab oyununun hakimləri açıqlandı

“Qarabağ” klubunun UEFA Çempionlar Liqasının pley-off mərhələsində Macarıstanın “Ferentsvaroş” komandası ilə keçirəcəyi cavab oyununun hakimləri məlum olub.

TodayPress TV xəbər verir ki, matçı Fransadan olan hakimlər briqadası idarə edəcək.

Bu işdə baş hakim Kleman Turpinə laysmanlar Nikolya Danos və Aleksis Auqer kömək edəcəklər. Dördüncü hakim funksiyasını isə Romen Lissorq yerinə yetirəcək. 

Qeyd edək ki, “Qarabağ” – “Ferentsvaroş” qarşılaşması avqustun 27-də, saat 20:45-də Tofiq Bəhramov adına Respublika stadionunda start götürəcək. 

Xatırladaq ki, avqustun 19-da Budapeştdə baş tutan ilk səfər oyununda Ağdam təmsilçisi 3:1 hesablı qələbə qazanıb.

Namiq HUN