“Qarabağ” – “Ayntraxt”: Almanlardan motivasiya mesajı
“Qarabağ”ın UEFA Çempionlar Liqasının Liqa mərhələsinin VII turundakı rəqibi Almaniyanın “Ayntraxt Frankfurt” klubu iddialı görüntü paylaşıb.
TodayPress TV xəbər verir ki, bu barədə İdman.Biz məlumat yayıb.
Paylaşımda bildirilir ki, Bakı onlar üçün yad məkan deyil:
“Burada əvvəllər də olmuşuq və bu dəfə eyni məkana fərqli missiya ilə qayıdırıq. Klub dəyişməyib, amma heyət yenidir, bacarıq eynidir, lakin onu nümayiş etdirən oyunçular başqadır. Şərait yenə tanışdır və məqsəd də dəyişməyib - missiyanı sona qədər yerinə yetirmək”.
Qeyd edək ki, Tofiq Bəhramov adına Respublika stadionunda keçiriləcək “Qarabağ” – “Ayntraxt Frankfurt” matçı saat 21:45-də start götürəcək.
Namiq HUN
