“Qarabağ” Antalyada iki yoxlama oyunu keçirəcək
“Qarabağ” klubunun Türkiyədə təşkil olunacaq qış təlim-məşq toplanışı çərçivəsində yoxlama görüşlərində qarşılaşacağı rəqiblər məlub olub.
TodayPress TV xəbər verir ki, Ağdam təmsilçisi yanvarın 10-dan 17-dək Antalya şəhərinin Belek bölgəsində hazırlıq keçəcək.
“Köhlən atlar" ilk yoxlama oyununu yanvarın 12-də Özbəkistanın “Neftçi” (Fərqanə) klubuna qarşı keçirəcək. Bu matçdan 4 gün sonra isə Azərbaycan çempionu Polşanın “Zaqlebie Lubin” klubu ilə qarşılaşacaq.
Qeyd edək ki, “Qarabağ” yeni ildə ilk rəsmi oyununa yanvarın 21-də çıxacaq. Qurban Qurbanovun rəhbərlik etdiyi kollektiv UEFA Çempionlar Liqasının Liqa mərhələsinin VII turunda Almaniyanın “Ayntraxt Frankfurt” klubu ilə qarşılaşacaq.
Namiq HUN
