“Qalatasaray” Yaser Asprilyanın transferini açıqladı
“Qalatasaray” heyətini yeni futbolçu ilə gücləndirib, “sarı-qırmızılılar” “Jirona”nın formasını geyinən Yaser Asprilyanı transfer edib.
TodayPress TV xəbər verir ki, bu barədə klubun mətbuat xidməti məlumat yayıb.
22 yaşlı vinger mövsümün sonunadək icarə əsasında İstanbul təmsilçisinin şərəfini qoruyacaq.
Razılaşmaya əsasən, Kolumbiya millisinin üzvü mövsümün qalan hissəsi üçün Super Liqa təmsilçisindən 1,2 milyon avro məvacib alacaq.
Qeyd edək ki, Yaser Asprilya bu mövsüm "Jirona"nın heyətində meydana çıxdığı 17 rəsmi matçda 1 qol və 1 məhsuldar ötürmə ilə yadda qalıb.
