Neymar yenə fiaskoya uğradı
Neymar Braziliya A Seriyasının növbəti turunda “Santos”un heyətində daha bir məğlubiyyət acısı yaşayıb.
TodayPress TV xəbər verir ki, “ağ-qaralar” səfərdə “Flamenqo”ya 2:3 hesabı ilə uduzub.
86-cı dəqiqədə əvəzlənən 33 yaşlı hücumçu həmin an meydan sahibi komandanın azarkeşləri tərəfindən hörmətsizliklə üzləşib.
Tribunalardan onu fitə basıb, ünvanına təhqiramiz ifadələr səsləndiriblər.
Bu görüş Neymarın iki aylıq fasilədən sonra start heyətində ilk çıxışı olub. Forvard bud əzələsindəki zədədən əziyyət çəkirdi.
32 turdan sonra aktivində 33 xalı olan “Santos” hazırda turnir cədvəlinin 17-ci pilləsində qərarlaşıb.
Namiq HUN
