“Neftçi” ilə həlledici duel öncəsi “Sabah”da çaxnaşma
“Sabah” klubu Premyer Liqanın XIV turunda “Neftçi”yə qarşı oyuna itkilərlə çıxacaq.
TodayPress TV sport24.az-a istinadən xəbər verir ki, “bayquşlar”ın heyətində Zinedin Uld Xaled, Pavol Şafranko, Boyan Letiç və Neqoş Kupusoviç zədəlidir.
Zədəsini sağaldan İvan Lepinitsa və Cesse Sekidikanın növbəti görüşdə iştirak ehtimalı var. Hər iki futbolçunun oynayıb-oynamayacağı hələlik dəqiq deyil.
Qeyd edək ki, “Sabah” - “Neftçi” komandaları dekabrın 8-də güclünü müəyyən edəcəklər.
Namiq HUN
