“Napoli” Lukakunu Superkubok üçün sifariş etdi
“Napoli” klubunun hücumçusu Romelu Lukakunun adı İtaliya Superkuboku üçün açıqlanan heyətə daxil edilib.
TodayPress TV xəbər verir ki, bu barədə klubun mətbuat xidməti məlumat yayıb.
Zədə səbəbindən uzun müddət meydana çıxa bilməyən belçikalı futbolçu “Napoli” ilə birlikdə Superkubok oyunlarının keçiriləcəyi Səudiyyə Ərəbistanının paytaxtı Ər-Riyada yollanıb.
Romelu Lukaku dekabrın 18-də “Milan”a qarşı keçiriləcək yarımfinal matçında əsas heyətdə meydana çıxa bilər.
Xatırladaq ki, hücumçu avqust ayında “Olimpiakos”la yoldaşlıq görüşündə sol bud əzələsindən ciddi zədə almışdı. Futbolçunun fiziki durumu hələ tam ideal səviyyədə deyil. Bu səbəbdən Lukakunun “Milan”la oyunu buraxması ehtimalı da var.
Namiq HUN
