Millerdən diqqətçəkən açıqlama: Yanis Karri ilə birləşməli
Beş dəfə ABŞ Milli Basketbol Assosiasiyasının (NBA) All-Star matçında iştirak etmiş Reci Miller hesab edir ki, “Qolden Steyt Uorriorz”un ulduzu Stefen Karri komandaya “Miluoki Baks”ın forvardı Yanis Adetokunbonu cəlb etməyi düşünməlidir.
TodayPress TV xəbər verir ki, Miller bu barədə Dan Patrick Show YouTube kanalında bildirib.
“Əgər mən Stefen Karrinin yerində olsaydım, bəlkə də tanışlarıma müraciət edər və Orta Qərbdən Yanis Adetokunbo adlı birinə zəng edərdim. Ona deyərdim: “Miluokidə nə etdiyini gör. Bu sadəcə fantastikdir. Onları 50 ildən sonra çempionluğa apardın. Amma zaman keçir, yaşın artır’”, - deyə Miller NBA ulduzu barədə danışıb.
Namiq HUN
