MDB Oyunları: Azərbaycanın futbol millisi mübarizəyə başlayır
III MDB Oyunlarında bu gün iki idman növü üzrə yarışlar keçiriləcək.
TodayPress TV xəbər verir ki, multi-idman turnirində stolüstü tennis və futbol yarışları təşkil olunacaq.
Qəbələ şəhərində stolüstü tennis üzrə oğlan və qızlardan ibarət Azərbaycan yığma komandaları final görüşlərinə çıxacaqlar. Hər iki milli komandanın rəqibi Rusiya kollektivləri olacaq. Final görüşləri saat 10:00-da başlanacaq. Gün ərzində həmçinin stolüstü tennisdə fərdi yarışlar keçiriləcək.
Bu gün futbol üzrə Azərbaycan (U-16) millisi də Oyunlarda mübarizəyə başlayacaq. Millimiz saat 12:00-da Qəbələ Şəhər Stadionunda Tacikistanın U-16 yığması ilə qarşılaşacaq.
Namiq HUN
