Marselonun oğlu “Real”ın gələcəyi ola bilər - Enzo Alveşlə müqavilə
“Real Madrid” keçmiş müdafiəçisi Marselonun oğlu, hücumçu Enzo Alveşlə müqavilə imzalayıb.
TodayPress TV xəbər verir ki, bu barədə tanınmış insayder Fabritsio Romano məlumat yayıb.
Qeyd olunur ki, Enzo Alveş 2024-cü ildən etibarən “kral klubu”nun sistemində çıxış edir. Hazırda o, Madrid təmsilçisinin U-18 komandasında forma geyinir.
“Real Madrid” rəhbərliyi 16 yaşlı forvardın potensialını yüksək qiymətləndirir və onu klubun gələcək layihələri üçün perspektivli futbolçu hesab edir.
Bildirilir ki, Enzo Alveşin klubun uzunmüddətli inkişaf strategiyasının mühüm hissəsinə çevrilməsi gözlənilir.
Namiq HUN
