Mark Koma: “Alonso “Dakar”a geri dönməyi planlaşdırır”

Fernando Alonso Formula 1-dən sonra “Dakar”da çıxış edə bilər.

TodayPress TV xəbər verir ki, bu barədə La Gazzetta delo Sport nəşri məlumat yayıb. 

İspaniyalı motobayker Mark Koma həmyerlisi Fernando Alonsonun “Formula-1”dən ayrıldıqdan sonra karyerasını məşhur “Dakar” ralli-marafonunda davam etdirəcəyini bildirib. 

Onlar daha əvvəl də bu yarışda birlikdə çıxış ediblər.

“Formula-1”dəki fəslini bitirdikdən sonra geri dönməyi planlaşdırır”, – deyə Koma deyib. 

Qeyd edək ki, hazırda Fernando Alonso “Aston Martin” komandasında çıxış edir. Onun Böyük Britaniya komandası ilə müqaviləsi 2026-cı ilin sonuna qədər qüvvədədir. 

43 yaşlı pilot cari mövsüm “Formula-1” pilotlarının ümumi sıralamasında 18-ci yerdədir və aktivində cəmi 2 xal var.

Namiq HUN