Lyublyanada medal ümidi: Qadın cüdoçularımız yarışa çıxır
Sloveniyada keçiriləcək Avropa Açıq Turnirində çıxış edəcək Azərbaycan cüdoçuları müəyyənləşib.
TodayPress TV Azərbaycan Cüdo Federasiyasına istinadən xəbər verir ki, yarışda ölkəmizi 5 çəki dərəcəsində 7 qadın cüdoçu təmsil edəcək.
Heyətdə Şəfəq Həmidova (48 kq), Aydan Vəliyeva, Leyla Əliyeva və Könül Əliyeva (hamısı 52 kq), Fidan Əlizadə (57 kq), Südabə Ağayeva (70 kq) və Mədinə Xaysinova (+78 kq) yer alıb.
Komandaya qadınlardan ibarət millinin baş məşqçisi Amina Abdellatif və böyük məşqçi Saşa Herkenrat-Vimar rəhbərlik edəcək.
Qeyd edək ki, fevralın 14–15-də təşkil olunacaq Lyublyana beynəlxalq turnirində 44 ölkədən 509 idmançı mükafatlar uğrunda mübarizə aparacaq.
Namiq HUN
ФОТО
