Lekler ikinci məşqdən sonra qayda pozuntusu ilə gündəmdə
“Formula-1” üzrə “Ferrari” komandasının 28 yaşlı monakolu pilotu Şarl Lekler Las-Veqas Qran-prisinin ikinci sərbəst yürüşündən sonra FIA tərəfindən istintaqa cəlb olunub.
TodayPress TV xəbər verir ki, səbəb onun Qran-prinin ikinci məşq sessiyası bitdikdən sonra sükan çarxını yerinə qaytarmaması və ERS sistemini söndürməməsi olub.
Sessiyanın nəticələrinə görə:
1. Lando Norris (McLaren) — 1:33.602
2. Andrea Kimi Antonelli (Mercedes) — +0.029
3. Şarl Lekler (Ferrari) — +0.161
Lekler ikinci sərbəst yürüşü üçüncü yerdə başa vurub. Ən yaxşı nəticəni “McLaren” pilotu Lando Norris göstərib.
Qeyd edək ki, hazırda Şarl Lekler “Formula-1”in fərdi hesabında 214 xalla beşinci yerdədir. “Ferrari” komandası isə Konstruktorlar Kubokunda 362 xalla dördüncü yeri tutur.
Namiq HUN
