“Kruiffist” Flik: Laporta məşqçini yüksək qiymətləndirdi
“Barselona”nın prezidenti Joan Laporta əsas komandanın baş məşqçisi Hans-Diter Flik haqqında fikirlərini bölüşüb.
TodayPress TV xəbər verir ki, Laportanın sözlərini AS nəşri yayıb.
Laportanın sözlərinə görə, Flik komanda daxilində güclü sistem qurmağı bacarıb:
“O, inanılmaz komanda yaradıb. Biz bununla çox fəxr edirik. Flik komandaya intizam və peşəkarlıq gətirib, o, ‘kruiffist’dir - yəni Yohan Kruiffin futbol fəlsəfəsinin davamçısıdır. Klubun xüsusiyyətlərini anlayır, fitri qalibdir və çox tələbkardır. Flik ümumi hörmət və sevgi qazanıb”, - deyə Laporta bildirib.
Qeyd edək ki, almaniyalı mütəxəssis 2024-cü ildə Kataloniya təmsilçisinin sükanı arxasına keçib. O, daha əvvəl Almaniya millisini və “Bavariya” klubunu çalışdırıb.
Namiq HUN
