Gələcəyə yatırım: “Sabah” Qanadan gənc müdafiəçi gətirir
Premyer Liqanın lideri “Sabah” klubu qış transfer pəncərəsində heyətini gücləndirməyi planlaşdırır.
TodayPress TV futbolinfo.az-a istinadən xəbər verir ki, paytaxt təmsilçisi Qananın “İnter Allies” klubunda çıxış edən mərkəz müdafiəçisi Maksvell Azafokpeni transfer etmək niyyətindədir.
Hazırda 19 yaşlı futbolçu ilə danışıqlar aparılır. Razılaşma əldə olunacağı təqdirdə, Azafokpe mövsümün qalan hissəsini “Sabah”ın əvəzedici komandasında keçirəcək.
Qeyd edək ki, klub rəhbərliyi komandanın gələcək perspektivlərini nəzərə alaraq təcrübəli futbolçularla yanaşı, gənc əcnəbi oyunçuların transferini də gündəmdə saxlayır.
Namiq HUN
