“Ferrari” pilotları anlaşılmazlığı həll etdi
Lyuis Hemilton və Şarl Lekler Bakı Qran-prisindəki anlaşılmazlığı müzakirə ediblər.
TodayPress TV xəbər verir ki, bu barədə RacingNews365 məlumat yayıb.
“Ferrari”nin 40 yaşlı britaniyalı pilotu Lyuis Hemilton bildirib ki, o, komanda yoldaşı Şarl Leklerlə Bakıdakı Azərbaycan Qran-prisində baş verən hadisəyə aydınlıq gətirib.
Yarışın sonunda Hemiltona liderlərə hücum etmək üçün Lekleri ötməyə icazə verilib, lakin britaniyalı finişə qədər mövqeyini geri qaytara bilməyib.
“Şarl ilə danışdım. Hər şeyi aydınlaşdırdıq və belə halların təkrarlanmaması üçün komanda daxilində ünsiyyəti necə yaxşılaşdıra biləcəyimizi müzakirə etdik. Bu, bir daha olmayacaq”, – deyə Hemilton bildirib.
Namiq HUN
