Elxan Abdullayev: “Əsas hədəfimiz yaxşı futbol göstərməkdir”

Azərbaycanın futbol üzrə U-19 yığma komandası Avropa çempionatının seçmə mərhələ oyunlarının hazırlığına start verib. 

TodayPress TV xəbər verir ki, 13-cü qrupda yer alan U-19 Çexiya, Şimali İrlandiya və Malta yığmaları ilə mübarizə aparacaq.

U-19 millisinin baş məşqçisi Elxan Abdullayev məqsədlərinin qrupdan çıxmaq olduğunu bildirib:

“Dünəndən hazırlığa başlamışıq. UEFA Gənclər Liqasında oynayan “Qarabağ” və “Sabah”ın futbolçuları da artıq komandamıza qoşulublar. İlk oyunumuzu noyabrın 12-də Çexiya millisinə qarşı keçirəcəyik. Daha sonra Şimali İrlandiya və Malta ilə qarşılaşacağıq. Rəqiblər çox güclüdür. Favorit Çexiya yığmasıdır. Şimali İrlandiya və Maltaya gəlincə, əvvəlki təlim-məşq toplanışlarında bu komandalarla eyni səviyyədə olan rəqiblərlə yoxlama oyunu keçirmişdik. Hədəfimiz yaxşı futbol göstərməkdir. İstədiyimiz nəticəni qazanmaq üçün əlimizdən gələni etməliyik. Məqsədimiz qrupdan çıxmaqdır”.

Namiq HUN