“Əl-Əhli” Səudiyyə Superkubokunun qalibi oldu

Səudiyyə Ərəbistanı Superkubokunun finalında “Əl-Nəsr” və “Əl-Əhli” üz-üzə gəlib.

TodayPress TV xəbər verir ki, 2:2 hesabı ilə başa çatan görüşdə “Əl-Nəsr”in qollarını Kriştiano Ronaldo (penaltidən) və Brozoviç, “Əl-Əhli”nin qollarını isə Kessei və İbanez vurublar.

Reqlamentə əsasən, əlavə vaxt oynanılmayıb və qalib penaltilərlə müəyyənləşib. Lotoreyada daha dəqiq olan “Əl-Əhli” 5:3 hesabı ilə qalib gələrək kuboku qazanıb. Bununla da Ronaldonun Superkubok tituluna sahib olmaq arzusu yenə reallaşmayıb.

Qeyd edək ki, portuqaliyalı hücumçu futbol tarixində dörd müxtəlif klub və milli komandada 100-dən çox qol vuran ilk oyunçu olub: Madrid “Real”ında – 450, “Mançester Yunayted”də – 145, “Yuventus”da – 101, Portuqaliya millisində isə 138 qol.