Çempiondan çempiona böyük dəstək
Portuqaliyalı hücumçu Kriştianu Ronaldu 41 yaşlı amerikalı dağ xizəkçisi Lindsi Vonnun sosial şəbəkədəki paylaşımına münasibət bildirib.
TodayPress TV xəbər verir ki, Vonn fevralın 8-də XXV Qış Olimpiya Oyunlarında sürətli eniş yarışı zamanı aldığı ağır zədədən sonra xəstəxanadan buraxıldığını açıqlayıb.
Ronaldu paylaşıma şərh bölümündə münasibət bildirib:
“Çempionları yalnız qələbə anları deyil, təslim olmadıqları anlar müəyyənləşdirir. Lindsi, sənin gücün fəth etdiyin dağlardan daha ucadır. Mübarizəni davam etdir. Əfsanələr hər zaman yenidən doğulur”.
Xatırladaq ki, Vankuver-2010 Olimpiadasının çempionu olan Vonn 2024-cü ilin dekabrında təxminən altı illik fasilədən sonra karyerasını bərpa edib. O, son Qış Olimpiadasında çarpaz bağ zədəsi ilə çıxış edib.
Namiq HUN
