Boksçumuz dünya çempionu titulunu qazandı
Azərbaycan boksçusu Sübhan Məmmədov (48 kq) Birləşmiş Ərəb Əmirliklərinin Dubay şəhərində keçirilən dünya çempionatında qızıl medal qazanıb.
TodayPress TV xəbər verir ki, millinin 19 yaşlı üzvü həlledici döyüşdə Rusiya təmsilçisi Edmond Xudayanı məğlub edib 4:3 (30:27, 28:29, 29:28, 30:27, 28:29, münsiflər 1:1).
U-23 Avropa çempionatının qalibi olan Ağcabədi boks məktəbinin yetirməsi Azərbaycanın ən gənc dünya çempionu kimi tarixə düşüb.
Qeyd edək ki, millimiz 120 ölkənin qatıldığı dünya çempionatını 1 qızıl və 2 bürünc medalla başa vurub. Daha öncə Alfonso Dominqes (92 kq) və Məhəmməd Abdullayev (+92 kq) mundialda 3-cü yeri tutublar.
Namiq HUN
