“Barselona”dan etiraz: hakim qərarları müzakirə mövzusudur
“Barselona” klubunun prezidenti Joan Laporta Çempionlar Liqasındakı hakimlikdən narazılığını ifadə edib.
TodayPress TV xəbər verir ki, bu barədə “Mundo Deportivo” nəşri məlumat yayıb.
İlk oyunu Istvan Kovaç, cavab qarşılaşmasını isə Klement Tyurpen idarə edib. Laporta hakim qərarlarını sərt tənqid edib:
“Bizə edilənlər qəbuledilməzdir. İlk oyunda açıq penalti verilmədi. Üstəlik, futbolçumuz sarı vərəqə ilə kifayətlənməli olduğu halda meydandan qovuldu”.
Qeyd edək ki, Kataloniya təmsilçisi 1/4 finalda “Atletiko Madrid”ə iki oyunun nəticəsinə görə (2:3) uduzaraq turnirlə vidalaşıb.
“Atletiko Madrid” yarımfinalda “Sportinq” – “Arsenal” cütünün qalibi ilə qarşılaşacaq.
Namiq HUN
