“Barselona” rəhbərliyində yeni era başlayır: Laporta kənara çəkilir
Joan Laporta yeni müddətə “Barselona” futbol klubunun prezidenti seçilməyəcək.
TodayPress TV xəbər verir ki, bu barədə “Mundo Deportivo” nəşri məlumat yayıb.
2021-ci ildən “Barselona”nın prezidenti olan Laportanın səlahiyyət müddəti 2027-ci ildə başa çatacaq.
"Bir daha namizəd ola bilərdim, amma planlaşdırmıram. Bu yersiz olardı", - Laporta deyib.
Qeyd edək ki, 63 yaşlı futbol funksioneri 2003-2010-cu illərdə də “Barselona”ya rəhbərlik edib. Kataloniya təmsilçisi Laportanın prezidentliyi dövründə 6 dəfə İspaniya çempionu olub, 3 dəfə ölkə kubokunu, 4 dəfə İspaniya Superkubokunu, 2 dəfə Çempionlar Liqasını, 1 dəfə isə UEFA Superkubokunu qazanıb və Klublararası Dünya Çempionatının qalibi olub.
Namiq HUN
