Azərbaycan gimnastları III MDB Oyunlarını 8 medalla bitirdilər
Azərbaycan bədii gimnastlarının III MDB Oyunlarından qazancı 8 medal olub.
TodayPress TV xəbər verir ki, təmsilçilərimizin aktivində 4 gümüş və eyni sayda bürünc medal var.
Fidan Qurbanlı gürzlərlə hərəkətdə Oyunların gümüş medalına sahib çıxıb.
Lentlərlə hərəkətlərdə isə Azadə Atakişiyeva fəxri kürsünün ikinci pilləsinə qalxıb.
Daha əvvəl qrup hərəkətləri komandası multi-idman oyunlarında halqalarla üçüncü olub. Fərdi yarışda Nur Sadıqova bürünc medalı boynundan asıb. Azadə Atakişiyeva isə topla çıxışda ikinci nəticə göstərib.
Qeyd edək ki, Atakişiyeva çoxnövçülükdə də ikinci yeri tutub.
Namiq HUN
