Azərbaycan gimnastı Dünya Kuboku seriyasının qalibi oldu
Tamblinq üzrə milli komandanın üzvü Tofiq Əliyev Dünya kuboku seriyasının qalibi olub.
TodayPress TV xəbər verir ki, bu barədə Azərbaycan Gimnastika Federasiyasının mətbuat xidməti məlumat yayıb.
Tofiq Əliyev Fransada keçirilən mövsümün son Dünya Kuboku turnirində rəqiblərini üstələyib. Hesabına 29.200 xal yazdıran tamblinqçimiz Antibes turnirinin qızıl medalını boynundan asıb.
Tofiqin komanda yoldaşı Adil Hacızadə isə 26.800 xalla bürünc medala sahib çıxıb.
Qeyd edək ki, həmçinin Tofiq Əliyev mövsüm ərzində qazandığı yüksək nəticələrə görə Dünya Kuboku seriyalarının qalibi adını qazanıb.
Namiq HUN
