Azərbaycan çempionu Antalyada qələbələr seriyasını davam etdirir
“Qarabağ” klubu yoxlama oyununda növbəti qələbəsini qazanıb.
TodayPress TV xəbər verir ki, Türkiyədə təlim-məşq toplanışını davam etdirən Azərbaycan çempionu “Qarabağ” növbəti yoxlama oyununda Xorvatiyanın “Osiyek” klubu ilə qarşılaşıb.
Görüş Ağdam təmsilçisinin 3:1 hesablı qələbəsi ilə yekunlaşıb. “Qarabağ”ın heyətində qolları Musa Qurbanlı, Aleksey Kaşuk və Abbas Hüseynov vurublar.
Qeyd edək ki, “köhlən atlar” bu gün hazırlıq prosesi çərçivəsində daha bir yoxlama matçı keçirəcək. Komandanın növbəti rəqibi Polşanın “Zaqlebye” klubu olacaq.
Xatırladaq ki, “Qarabağ” bundan əvvəlki yoxlama oyununda Özbəkistanın “Neftçi” komandasını 5:0 hesabı ilə məğlub etmişdi.
Namiq HUN
