Azərbaycan 8 boksçu ilə 1/4 finala yüksəldi
Birləşmiş Ərəb Əmirliklərinin Dubay şəhərində kişi boksçular arasında dünya çempionatı davam edir.
TodayPress TV xəbər verir ki, Azərbaycan komandasının daha 2 boksçusu 1/8 final mərhələsində qələbə qazanıb.
Maqsud Xasmetov (63,5 kq) tacikistanlı Ruslan Qafurovdan güclü olub. O, 1/4 finalda Qırğızıstan boksçusu Omar Livaza ilə döyüşəcək.
Sərxan Əliyev (71 kq) də mərhələ adlayıb. Dünya çempionatının mükafatçısı latviyalı Arturs Vaisə qalib gəlib. O, 1/4 finalda qazaxıstanlı Ablayxan Jussupovla qarşılaşacaq.
Qeyd edək ki, Xasmetov və Əliyevdən öncə daha 6 boksçumuz 1/4 finalda iştirakını rəsmiləşdirib.
Namiq HUN
