Azarkeş fayeri və gecikmə “Barselona”ya baha başa gəldi!
UEFA VII tur çərçivəsində keçirilmiş oyunla bağlı “Barselona” klubunu 30,5 min avro məbləğində cərimələyib.
TodayPress TV xəbər verir ki, bu barədə UEFA-nın rəsmi saytı məlumat yayıb.
Söhbət UEFA Çempionlar Liqasının ümumi mərhələsində Praqada keçirilmiş “Slaviya Praqa” – “Barselona” (2:4) matçından gedir.
Kataloniya təmsilçisi azarkeşlərin fayer yandırmasına görə 15,5 min avro ödəməlidir. Daha 15 min avro isə komandanın meydançaya gec çıxmasına görə tətbiq olunub.
Bildirilir ki, gecikmə baş məşqçi Hans-Diter Flikin hərəkətləri ilə bağlı olub. Alman mütəxəssis UEFA tərəfindən xəbərdarlıq alıb və bu xəbərdarlıq gələcəkdə daha ciddi sanksiyaya çevrilə bilər.
Namiq HUN
