“Atletiko”dan möhtəşəm ilk hissə – 4 qol, rekord!
“Atletiko Madrid” UEFA Çempionlar Liqasının 1/8 final mərhələsinin ilk oyununda “Tottenhem Hotspur” klubunu (5:2) məğlub edərək klub tarixində rekord göstəriciyə imza atıb.
TodayPress TV statistik portal “Opta Sport”a istinadən xəbər verir ki, “hindular” Çempionlar Liqası tarixində ilk dəfə olaraq bir oyunun ilk hissəsində dörd qol vurmağa nail olub.
“Atletiko” bununla da Çempionlar Liqasının pley-off mərhələsində ilk hissədə dörd qol vuran ikinci İspaniya klubu olub. Daha əvvəl bu uğura yalnız “Barselona” nail olmuşdu. Kataloniya təmsilçisi bunu 2009-cu ildə iki dəfə bacarıb – 1/8 finalda “Lion”u 5:2, 1/4 finalda isə “Bavariya”nı 4:0 hesabı ilə məğlub edərkən.
Namiq HUN
