Sabah bu ərazilərdə qaz kəsiləcək
Sabah paytaxtın bəzi ərazilərində qaz olmayacaq.
TodayPress TV xəbər verir ki, bu barədə “Azəriqaz” İB məlumat yayıb.
Bildirilib ki, 19.12.2025-ci il tarixdə saat 10:00-dan etibarən Sabunçu, Xətai, Binəqədi və Nərimanov rayonlarında aparılacaq təmir-quraşdırma işləri ilə əlaqədar bəzi ərazilərin qaz təchizatında müvəqqəti fasilə yaranacaq.
Belə ki, Pirşağı qəsəbəsinin, Nərimanov rayonu, Ə.Əliyev, Y.V.Çəmənzəmənli, A.Nemətulla, F. Yusifov, V.Əmirsayadov, H.Mirzəyev, R.Şıxəliyev və Z. Yusifzadə küçələrinin, Xətai rayonu, M.Hadi, R.Məmmədov, Cavanşir, X.Məmmədov küçələrinin, Binəqədi rayonu, Xocahəsən və Biləcəri qəsəbələrinin, R.İsmayılov küçəsinin qaz təchizatı müvəqqəti dayandırılacaq.
