Yerə bənzər, lakin buzlarla örtülü planet tapıldı
Astronomlar təxminən 150 işıq ili uzaqlıqda Yer planetinə çox bənzəyən, lakin son dərəcə soyuq şəraitə malik yeni bir ekzoplanet namizədi aşkar ediblər.
TodayPress TV xəbər verir ki, “HD-137010 b” adlandırılan bu səma cismi NASA fəaliyyəti dayandırılmış “Kepler” Kosmik Teleskopunun məlumatları əsasında müəyyən edilib və elm dünyasında böyük maraq doğurub.
Məlumata görə, səma cismi Yer kürəsindən təxminən 1,2 dəfə ağırdır. Planetin ən diqqətçəkən xüsusiyyətlərindən biri onun orbit dövrüdür. Belə ki, o, öz ulduzu ətrafında dövrünü 355 günə tamamlayır və bu göstərici Yer ilinə demək olar ki, tam uyğundur.
Araşdırmalara əsasən, planetin öz ulduzunun yaşana bilən zonasında yerləşmə ehtimalı 51% təşkil edir. Lakin onun ulduzdan aldığı enerji Yer kürəsinin aldığı enerjidən üçdə bir qədər azdır. Bu səbəbdən səth temperaturunun təxminən mənfi 68 ilə mənfi 85 dərəcə arasında olduğu ehtimal edilir ki, bu da planeti Marsdan belə daha soyuq edir.
Aysel Mətləb
