Soyuq hava fürsətə çevrildi: İguana ətindən pizza bişirdilər
ABŞ-nin Florida ştatında bir restoran iguana ətindən pizza bişirməyə başlayıb.
TodayPress TV xəbər verir ki, bu barədə "People" nəşri məlumat yayıb.
Bildirilib ki, Florida ştatında yaşayan yaşıl iguanalar Mərkəzi və Cənubi Amerikadan gətirildiyi üçün +7 dərəcədən aşağı temperaturda aktivliyini itirir, soyuq havalarda hərəkətsiz vəziyyətə düşərək ağaclardan yerə tökülür.
“Bucks Coal Fired” restoranı bu vəziyyətdən piar məqsədilə istifadə edərək iguana ovçusu Rayan İskyerdo ilə əməkdaşlığa başlayıb. Restorana gətirilən iguanaların yalnız ayaqları və quyruqları pizzanın tərkibində istifadə olunur. Digər inqrediyentlər isə parmezan pendiri, bekon (donuz əti) və maral ətidir.
Ovçu Rayan İskyerdo yeni yeməyin dadına baxdığını və onu “inanılmaz” adlandırdığını deyib. Onun sözlərinə görə, iguana əti dad baxımından qurbağa ayaqlarını xatırladır və azca şirin dad verir.
Qiymət Mahir
