Avropanın ən qədim şəhərlərindən biri tapıldı
Arxeoloqlar indiki Şimali İrlandiya ərazisində yerləşən "Hogley Fort" qalasının Son Tunc dövründə böyük və mütəşəkkil yaşayış məntəqəsinin mərkəzi olduğunu müəyyən ediblər.
TodayPress TV xəbər verir ki, araşdırmanın nəticələri "Antiquity" elmi jurnalında dərc edilib.
Qlazqo Universiteti və Belfast Kraliça Universitetinin tədqiqatçıları ərazidə 200-dən çox taxta yaşayış binasının izlərini aşkar ediblər. Bundan başqa, diametri 30 metrə çatan dairəvi tikililər tapılıb. Alimlər hesab edirlər ki, bu tikililər ictimai və ya inzibati məqsədlər üçün istifadə olunub.
Tədqiqat müəlliflərinin fikrincə, bu kompleks Qərbi Avropanın ən erkən proto-şəhər mərkəzlərindən biri ola bilər.
Qazıntılar zamanı bürünc və qızıl emalının inkişaf etdiyini göstərən izlər, həmçinin İberiya yarımadası və Mərkəzi Avropadan gətirilmiş artefaktlar aşkarlanıb. Bu tapıntılar həmin dövrdə geniş ticarət əlaqələrinin mövcud olduğunu göstərir.
Türkan İsgəndərli
