"Tesla" yeni maşınını satışa çıxardı
"Tesla" ABŞ bazarında məşhur "Model Y" krossoverinin yeni tam ötürücülü (AWD) versiyasının satışına başlayıb.
TodayPress TV xəbər verir ki, modelin qiyməti 41.990 dollar təşkil edir.
Ötən ilin oktyabrında "Tesla" "Model Y" və "Model 3"ün daha ucuz “standart” arxa təkərli versiyalarını təqdim etmişdi. Hazırda "Model Y"in standart versiyası 39.990 dollar, “premium” arxa təkərli versiyası isə 44.990 dollara satılır.
"Model Y"in “premium” adlanan genişləndirilmiş diapazonlu tam ötürücülü versiyasının qiyməti 48.990 dollardır. Ən güclü "Performance" versiyası isə 57.490 dollara təklif olunur.
Türkan İsgəndərli
