"OnePlus 15" batareya testində lider oldu

Yeni nəsil "OnePlus 15" smartfonu məşhur texnobloqer "TechDroider" tərəfindən keçirilən "YouTube" batareya testində birinci yeri tutub.

TodayPress TV xəbər verir ki, test 13 saat davam edib və real istifadə şəraitini modelləşdirib: 3 saat "PUBG Mobile" oyunu, 3 saat "YouTube" videoları izləmə, 1,5 saat veb-sərf və "Instagram" fəaliyyəti, eləcə də 4K 60 FPS rejimində fasiləsiz videoqeyd aparılıb.

Sınağın nəticələrinə əsasən, "Xiaomi 17 Pro Max" 12 saat 50 dəqiqə, "iPhone 17 Pro Max" 13 saat 2 dəqiqə, "OnePlus 15" isə 13 saat 40 dəqiqə işləyib. Beləliklə, "OnePlus 15" rəqiblərindən xeyli fərqlə önə çıxıb.

Qiymət Mahir