"Apple" 2026-cı ildə yeni məhsullar təqdim edəcək
"Apple" 2026-cı ildə ən azı 15 yeni məhsul buraxmağı planlaşdırır.
TodayPress TV xəbər verir ki, bu barədə "Bloomberg" məlumat yayıb.
2026-cı ildə "Apple" "Intelligence" funksiyalarının geniş tətbiqi, "App Store"da tənzimləyici təzyiqlərin artması və yeni tarif dəyişiklikləri gözlənilir.
İlin əvvəlində "iPhone 17e", "A18" çipli "iPad 12", "M4" çipli "iPad Air", "M5" çipli "MacBook Air", "M5 Pro" və "M5 Max" çipləri ilə "MacBook Pro" modellərinin təqdim ediləcəyi gözlənilir. Şirkət həmçinin yeni xarici displeylər üzərində işləyir.
Bundan başqa "Apple"ın ağıllı eynəklərinin kiçik miqyaslı istehsalına artıq başlandığı və məhsulun 2026-cı ilin sonuna qədər təqdim edilə biləcəyi bildirilir.
Türkan İsgəndərli
