Cabir İmanov “Ümumdünya Ürək Günü”ndə ürəktutmasından vəfat etdi
Əməkdar artist Cabir İmanov vəfat edib.
TodayPress TV xəbər verir ki, o, bu gün paytaxtın Səbail rayonu Üzeyir Hacıbəyli küçəsində yerləşən idman zalında dünyasını dəyişib.
49 yaşlı aktyorun idman zalında infarkt keçirdiyi deyilir.
Onun ürəktutmasından vəfat etməsi “Ümumdünya Ürək Günü” ilə üst-üstə düşüb.
Belə ki, "Ümumdünya Ürək Günü" ilk dəfə 1999-cu ildə Ümumdünya Ürək Federasiyasının təşəbbüsü ilə təşkil edilib.
Ümumdünya Səhiyyə Təşkilatı, UNESCO və digər mühüm təşkilatlar həmin təşəbbüsü dəstəkləyiblər. Əvvəlcə onu sentyabrın son bazar günü qeyd edirdilər, 2011-ci ildən isə sentyabrın 29-da keçirirlər.
Allah rəhmət eləsin!
