UEFA İsraili cəzalandıracaq?
UEFA İsrailin komandalarını turnirlərdən uzaqlaşdırmağı planlaşdırır.
TodayPress TV xəbər verir ki, bu barədə İsrail mətbuatı məlumat yayıb.
Qərarın sentyabrın 23-də qəbul edilə biləcəyi bildirilir. Hazırda İsrail tərəfi məsələnin ümumi səsverməyə çıxarılmasının qarşısını almağa çalışır. Avropa ölkələrinin çoxu İsrailin uzaqlaşdırılmasını dəstəkləməyə hazırdır.
Qərar təsdiqlənsə, İsrail yığması 2026-cı il dünya çempionatının seçmə mərhələsindən kənarlaşdırılacaq. Təl-Əvivin “Makkabi” klubu isə Avropa Liqasında iştirak edə bilməyəcək.
Qeyd edək ki, sanksiyalar Rusiyanın uzaqlaşdırılmasına bənzər formada tətbiq oluna bilər.
Namiq HUN
